विमल जैरु ||
डडेल्धुरा, १४ पुस ||
डडेल्धुरा सदरमुकामको बसपार्क पछाडी रहेको सार्वजनिक जग्गामा निर्माण गरिएका टहरा अमरगढी नगरपालिकाले हटाएको छ । नगरपालिकाले पटक पटक सूचना जारी गर्दा पनि अटेरी गरेपछि सार्वजनिक जग्गामा निर्माण गरिएका टहरामा डोजर लगाएर हटाउनु परेको नगरपालिकाले जनाएको छ । डडेल्धुरा सदरमुकामको बसपार्क पछाडी रहेको सार्वजनिक जग्गामा निर्माण गरिएका टहरा अमरगढी नगरपालिकाले हटाएसंगै व्यवसायीहरु आक्रोशित भएका छन् । सार्वजनिक जग्गामा टहरा निर्माण गरि व्यापार व्यावासाय गर्दै आएका व्यापारीहरुले कुनै व्यक्तिलाई भाडा दिदैँ आएपनि नगरपालिकाले ब्यवसाय गर्नका लागि अर्को ब्यवस्था नगरि चालेको कदमको ब्यवसायीले बिरोध गरेका हुन् । आफुहरुले गरिरहेको ब्यापारलाई नगरपालिकाले समय नदिएरै हटाए पछि लगानी डुबेर बिचल्लीमा परेको उनिहरुको गुनासो छ । तर बसपार्क पछाडी टहरामा व्यापार गर्दै आएका र दर्जनौ फलफुल व्यापारीहरुले नगरपालीकाले आफुहरुलाई चाँडो व्यापार व्यावसाय गर्ने बातावरण मिलाउनुपर्ने बताएका छन ।
नगरपालिकाको वडा नम्बर ५ अन्तरगत पर्ने बसपार्क क्षेत्रमा रहेका टहरा हटाउन पटकपटक सूचना जारी गर्दा पनि ब्यापारीहरुले वेवास्ता गरेपछि आफुहरु बाध्य भएर डोजर चलाउनु परेको नगरपालिकाले जनाएको छ । सडक बिस्तार गरी सुन्दर नगर बनाउन आफुहरु लागेको र बिस्थापित ब्यापारीहरुका लागि नगरपालीका क्षेत्रमा रहेका सार्वजनिक जग्गा नगरपालिका मातहत ल्याएर ब्यवस्थीत गरी व्यापारीक मल बनाउने योजना सहित उनिहरुलाई ब्यवस्थापन गर्ने नगरपालिकाले जनाएको छ । सार्वजनिक जग्गा अतिक्रमण गरि टहरा बनाई स–साना व्यापार व्यावसाय गर्दै आएकाहरुलाई बिस्थापित गर्नुमात्रै ठुलो कुरा नभई उनिहरुलाई स्थापीत गर्नमा सरोकारवाला सबै निकायले ध्यान दिनु जरुरी छ ।
सार्वजनिक जग्गामा निर्माण गरिएका टहरा हटाउँदै नगरपालिका
ताजा समाचार
अस्ताउँदो सूर्यलाई अर्घ्य दिइयो
१५ घन्टा अघि
जनकपुरधामको गंगासागरमा निकिता पौडेलले गरिन् छठ पूजा
१५ घन्टा अघि
राष्ट्रपतिद्वारा सूर्यसहित छठी माताको पूजा आराधना
१५ घन्टा अघि
चितवनमाथि कर्णाली याक्सको जित
१५ घन्टा अघि




