काठमाडौं, १० असोज । बैतडीमा बसको ठक्करबाट सशस्त्र प्रहरी हवल्दारको मृत्यु भएको छ । पाटन नगरपालिका –८ हरिचनका ३७ वर्षीय नरेन्द्रसिंह महराको घटनास्थलमै मृत्यु भएको हो ।
उनी आश्रित गुल्म बाजुरामा सशस्त्र प्रहरी हवल्दारका रुपमा कार्यरत थिए । उनी बाजुराबाट घर आउने क्रममा गएराती २ बजे दशरथचन्द राजमार्ग अन्तर्गत हरिचन मोडमा नम्बर नखुलेको गाडीले ठक्कर दिएको बैतडी प्रहरीले जनाएको छ । उनलाई ठक्कर दिने बसको पहिचान हुन सकेको छैन् ।
महराको मृत्युपछि सो राजमार्ग अबरुद्ध पारिएको छ । मृतकका आफन्तले दोषीको पहिचान नहुँदासम्म यातायात सुचारु गर्न नदिने चेतावनी पनि दिएका छन् । महराको शव बिच सडकमै राखिएको छ ।
