एजेन्सी, २४ भदौ । दक्षिणी टर्कीको कहरमनमारस प्रान्तमा अन्तिम संस्कारमा सहभागी भएका मानिसहरुलाई ट्रकले ठक्कर दिँदा ५ जनाको मृत्यु भएको छ भने २५ जना घाइते भएका छन् ।
कहरामनमारस—अण्डिरिन राजमार्गमा अन्तिम संस्कारमा सहभागी उनीहरुलाई ट्रकले ठक्कर दिएको थियो ।
घाइतेमध्ये केहीको अवस्था गम्भीर रहेको बताइएको छ । टर्कीमा सडक सुरक्षा कमजोर छ ।
आधिकारिक तथ्यांकअनुसार गत वर्ष एक लाख ९७ हजार भन्दा बढी सवारी दुर्घटनामा ५ हजार २ सय २९ जनाले ज्यान गुमाएका थिए ।
