सुनसरी । सुनसरीमा एक युवकको हत्या भएको छ।
शुक्रबार साँझ इटहरीको धरान–इटहरी सडकखण्डमा गोली हानेर एक पुरूषको हत्या भएको हो।
विराटनगरका २८ वर्षीय रोहित चौधरीको हत्या भएको प्रहरीले जनाएको छ ।
अपरिचित तीन जनाको समूह आएर एक जनाले चौधरीमाथि गोली प्रहार गरेको एक स्थानीयले जानकारी दिए ।
प्रहरीले गोली प्रहार गर्ने व्यक्तिहरूको पहिचान गरिसकेको छ। खोजी कार्य तिब्र पारिएको बताइएको छ ।
