काठमाडौं । व्यापारी दिपककुमार मल्होत्राले बुधवार समातिएको झण्डै एक क्विन्टल तस्करीको सुनबारे आफ्नो कुनै संलग्नता नभएको दावी गर्नुभएको छ ।
बिहीबार काठमाडौँमा पत्रकार सम्मेलन गरी मल्होत्राले बरामद सुन र ट्याक्सीबारे आफूलाई समेत जोडेर समाचार प्रकाशित भएकोमा ती समाचारहरु भ्रामक असत्य भएको भन्दै यसमा संलग्न नरहेको दाबी गर्नु भएको हो । आफू र आफ्नो परिवारका सबै सदस्यहरुको व्यवसायिक कारोबार नेपाल कानुन बमोजिम स्थापना भएका निकाय मार्फत हुने गरेको मल्होत्राको भनाइ छ ।
आशंकाको भरमा लेखिएको समाचार गलत भएको भन्दै उहाँले यसको पुष्टि भए जस्तो सुकै सजायपनि सजाय भोग्न तयार रहेको बताउनु भयो ।
