काठमाडौं, ११ जेठ । जनता समाजवादी पार्टी, नेपालका अध्यक्ष उपेन्द्र यादवले नक्कली भूटानी शरणार्थी प्रकरणको अनुसन्धान निष्पक्ष रुपमा हुनुपर्ने बताउनुभएको छ ।
बुधवार संघीय संसद भवन नयाँ बानेश्वरमा सञ्चारकर्मीहरुसँग संक्षिप्त कुराकानी गर्दै अध्यक्ष यादवले नक्कली भूटानी शरणार्थी प्रकरणको अनुसन्धान निष्पक्ष रुपमा गर्नुपर्ने बताउनुभएको हो । उहाँले अदालतले दोषि ठह¥याइएकाहरु कानूनी दायरामा जाने बताउनु भयो ।
उहाँले भन्नुभयो–‘अनुसन्धान निष्पक्ष हुनुपर्छ । अनुसन्धानबाट प्रमाणित भएको देखिएकोलाई कानूनको दायरामा लैजानुपर्छ । को पर्छन् ? को पर्दैनन् भन्ने कुरा सेकेन्डरी कुरा हो । अनुसन्धानको कार्यलाई पूरा निष्पक्ष रुपमा हुन दिनुपर्छ । त्यसबाट देखिएका कुरा कानूनको दायरामा जान्छ र कानूनले, अदालतले जे ठह¥याउँछ त्यसलाई मान्नुपर्छ ।’
