एजेन्सी, १५ चैत्र । बलिउड र राजनीतिको सम्बन्ध नयाँ होइन। धेरै सेलिब्रेटीहरूले फिल्म स्टार बाहेक नेताहरूसँग विवाह गरेका छन्। स्वरा भास्करपछि परिणिती चोपडा पनि बस्ने तयारीमा छिन् । रिपोर्टका अनुसार उनले चाँडै नै आम आदमी पार्टीका नेता राघव चड्ढासँग विवाह गर्न लागेकी छिन् । विवाहको औपचारिक घोषणा नभएपनि अहिले परिणिती चोपडाले विवाहको खबरमा मौनता तोडेकी छिन् ।
हिजो राती अर्थात मार्च २८, २०२३ मा परिणीति चोपडा बिहेको खबरको बीचमा एयरपोर्टमा देखिएकी थिइन् । यसै क्रममा उनीसँग विवाहको बारेमा प्रश्न गरिएको थियो । राघव चड्डासँगको विवाहको बारेमा अभिनेत्रीले कुनै बयान दिएकी छैनन् तर उनको मुस्कानले यो प्रश्नको जवाफ दिएको छ । विवाहको प्रश्न सुनेर परिणिती रातो भएकी थिइन् । उनको आँखामा पनि चमक देख्न सकिन्थ्यो । एयरपोर्टमा अभिनेत्री सेतो हाईनेकको साथ कालो कोट–प्यान्टमा सुन्दर देखिएकी थिइन् ।
परिणीतिले पनि राघवसँग इन्गेजमेन्ट गरेको खबर आइरहेको छ । सांसद सञ्जीव अरोराले जोडीलाई बधाई दिएका थिए । सामाजिक सञ्जालमा ट्विट गर्दै सञ्जीवले लेखेका छन्, ‘म परिणिती चोपडा र राघव चड्डालाई हृदयदेखि बधाई दिन्छु। दुबैलाई माया, खुशी र साथ मिलोस्। म तिम्रो राम्रोको कामना गर्दछु।’ सञ्जीवको यो ट्विटपछि दुवैले साँच्चै नै आफ्नो पूरा जीवन एकअर्कासँग बिताउने पक्का भएको विश्वास गरिएको थियो ।
परिणिती र राघवको सम्बन्धको खबर त्यतिबेला बाहिर आएको थियो जब उनीहरु दुबै लगातार दुई डिनर र लंच डेटमा सँगै देखा परेका थिए । उनीहरुको केमेस्ट्रीले उनीहरु डेट गरिरहेको अनुमान गर्न थालिएको छ । तर, आम नागरिकहरु दुवै पक्षबाट औपचारिक घोषणाको पर्खाइमा छन् ।
