काठमाडौं, १० चैत्र । उपत्यकाको पुरातात्विक धरोहर रानीपोखरी पुननिर्माणपछि सर्वसाधारणको लागि खुल्ला भएको छ । आवश्यक सरसफाइ गरेर काठमाडौं महानगरपालिकाले सर्वसाधारणको लागि पहिलो पटक खुल्ला गरेको हो ।
अब बिना टिकट जो कसैले पनि रानीपोखरीको अवलोकन गर्न पाउने भएका छन् । २०७२ सालको भुकम्पपछि क्षति पुगेको रानीपोखरीलाई पुरानै स्वरुप दिइएको महानगरको दाबी छ ।
०७८ सालमा राष्ट्रिय पुननिर्माण प्राधिकरणले महानगरलाई रानीपोखरी हस्तान्तरण गरेको भएपनि सर्वसाधारणको लागि खुल्ला गरिएको थिएन । झारपात बढेर कुरुप बनेको रानीपोखरीलाई सरसफाइ गरेर सञ्चालनमा ल्याइएको हो ।
