काठमाडौं । दक्षिण कोरियाका अपदस्थ राष्ट्रपति पार्क गुएन हायलाई प्रहरीले पक्राउ गरेको छ ।
भ्रष्टाचारको अभियोग लागेकी पार्कलाई अनुसन्धानका लागि हिरासतमा लिइएको त्यहाँको सञ्चार माध्यमले जनाएको छ ।
अदालतले उनलाई हिरासतमा लिन अनुमति दिएपछि पक्राउ गरिएको हो ।
अब पार्कलाई नजर बन्दमा राख्ने सकिने अन्तराष्ट्रिय सञ्चार माध्यमले जनाएका छन् । दक्षिण कोरियामा राष्ट्रपति पदमा चुनिने ६५ वर्षिय पार्क गुएन हाय पहिलो महिला नेतृ थिइन् ।
दक्षिण कोरियामा अपराधमा तानिएर हिरासतमा पर्नेमा उनी तेस्रो राष्ट्रपति भएकी छिन् । बिहीबार अदालतमा पेश भएकी उनले ९ घण्टासम्म उपस्थिति जनाएकी थिइन् ।
उनलाई भ्रष्टाचारसँगै सरकारी गोप्य सूचना चुहावट गरेको आरोप पनि लागेको छ ।
