काठमाडौं । आईसीसी यू–१९ पुरुष विश्वकपको एसिया छनोट प्रतियोगितामा नेपालले कुवेतमाथि फराकिलो जित निकालेको छ ।
शनिबार भएको दोस्रो खेलमा नेपालले कुवेतमाथि २ सय ४३ रनको शानदार जित निकालेको हो ।
यूएईस्थित मलिका क्रिकेट मैदानमा नेपालले दिएको ३ सय ४४ रनको लक्ष्य पछ्याएको कुवेतले ३०.५ ओभरमा अलआउट हुँदै १०० रन मात्र बनायो ।
कुवेतका लागि जुधा सालधानाले २६ रन बनाउँदा रसिन मोहमदले १९ रन बनाए ।
नेपालका लागि आकाश चन्दले ६ तथा हेमन्त धामी र दिपेश कंडेलले समान २/२ विकेट लिए ।
त्यसअघि पहिले ब्याटिङ गरेको नेपालले ५० ओभरमा ७ विकेट गुमाएर ३ सय ४३ रन बनाएको हो ।
नेपालका लागि ओपनर अर्जुन कुमाल र कप्तान देव खनालले शतक प्रहार गरे ।
कुवेतका लागि हेनरी थोमसले र सहिल काज्मीले समान २÷२ तथा जय महेशकुमार मेहता १ विकेट लिए ।
प्रतियोगितामा नेपालसहित सिंगापुर,कुबेत,हङकङ,मलेसिया र आयोजक यूएईको सहभागिता रहेको छ ।
