काठमाडौं, ४ फागुन । नेकपा एमाले निकट विद्यार्थी संगठन अखिल नेपाल राष्ट्रिय स्वतन्त्र विद्यार्थी युनियन (अनेरास्ववियु) को नेतृत्व चयनका लागि आज निर्वाचन शुरु भएको छ ।
अध्यक्षका लागि वरिष्ठ उपाध्यक्ष आरसी लामिछाने, महासचिव समिक बडाल र उपाध्यक्ष मोती विकले उम्मेदवारी दिनुभएको छ । आज बिहान ८ बजेबाट मतदान शुरु भएको हो ।
फागुन २ गतेदेखि सुरु भएको २३ औं महाधिवेशन नेतृत्व चयन गरी आज सम्पन्न हुँदैछ । अनेरास्ववियुको अध्यक्षका लागि सर्वसम्मत गर्न खोजिएपनि उम्मेदवारहरुबीच सहमति जुट्न नसक्दा मतदान गर्न लागिएको हो ।
