कञ्चनपुर, ११ पुष । कञ्चनपुरमा छाडा पशु चौपाया व्यवस्थापनमा समस्या भएको छ ।
किसानले दुध दिँदासम्म घरमा पाल्ने र दुधदिन छोडेपछि खुला छाड्ने गरेका कारण व्यवस्थापनमा समस्या भएको हो । पशु चौपाया व्यवस्थापनमा सम्बन्धित निकायले चासो नदिएको सरोकारवालाको भनाई छ ।
छाडा छोडिएका पशुका कारण राजमार्गमा दुर्घटना बढेको छ । त्यस्तै खेतबारीको अन्नबाली नष्ट गरिदिएको स्थानीयको गुनासो छ । स्थानीयले छाडा पशु व्यवस्थापनको माग गरेपनि सम्बन्धित निकायले पहल नगरेको गुनासो गरेका छन् । उता भीमदत्त नगरपालिकाले भने छाडा पशु व्यवस्थापनको काम भइरहेको जनाएको छ ।
छाडा पशु व्यवस्थापनका लागि नगरपालिकाले जथाभाबी पशु नछाड्न सचेत गराएको छ ।
