काठमाडौं । मधेस प्रदेशका मुख्यमन्त्री सरोजकुमार यादवले मधेश प्रदेशका सबै निकायलाई तीन महिना भित्र भ्रष्टाचार मुक्त बनाउने दावी गर्नु भएको छ ।
बुधबार प्रदेशसभाबाट शतप्रतिशत विश्वासको मत पाएपछि मुख्यमन्त्री यादवले भष्ट्राचार मुक्त प्रदेश बनाउने प्रतिवद्धता व्यक्त गर्नु भएको हो । उहाँले भ्रष्टाचार छानवीनका लागि ५ सदस्यीय छानवीन समिति गठन गरेको समेत स्मरण गराउनु भयो । मुख्यमन्त्री यादवले सबै दललाई साथमा लिएर अघि बढने भन्दै प्रदेश सरकारको नीति तथा कार्यक्रममा सबै दलसँग छलफल गरेर ल्याउने बताउनुभयो ।
मुख्यमन्त्री यादवले आवश्यक परे पुरक बजेट ल्याउन सकिने समेत बताउनु भयो । बुधबार बसेको प्रदेशसभा बैठकमा मुख्यमन्त्री यादवलाई १०२ जना प्रदेशसभा सदस्यले विश्वासको मत दिएका थिए । १०५ सदस्यीय प्रदेशसभामा ३ जना सांसद अनुपस्थित हुनुहुन्थ्यो ।