काठमाडौं, ४ माघ । प्रतिनिधि सभा सभामुखका लागि आज उम्मेदवारीबारे छलफल गर्न नेपाली कांग्रेसको पदाधिकारी बैठक सुरु भएको छ । सभामुखबारे निर्णय लिन पार्टी सभापति शेरबहादुर देउवा निवास धुम्बाराहीमा बैठक सुरु भएको हो । बैठकले सभामुखमा उम्मेदवारी दिने वा नदिने त्यसबारे निर्णय गर्ने जनाइएको छ ।
आज प्रतिनिधि सभाको बैठक बिहान ११ बजेका लागि बोलाइएको छ । संघीय संसदको पहिलो बैठकको सुरु भएको १५ दिनभित्र प्रतिनिधि सभा सदस्यबाट सभामुख चयन गरिसक्नुपर्ने संवैधानिक व्यवस्था छ । सो समय सकिनै लाग्दा सभामुख छान्ने प्रक्रियाो तयारी थालिएको हो ।
सत्तागठबन्धनमा आवद्ध दलहरुले भागवण्डा गर्दा सभामुख पद नेकपा एमालेलाई परेको छ । एमालेले देवराज घिमिरेलाई उम्मेदवार बनाउने तयारी गरिरहेको छ ।
