काठमाडौं । आइतबार पोखरामा भएको यति एयरलाइन्सको विमान दुर्घटनामा निधन भएका मध्य ६९ जनाको शव फेला परेको छ ।
फेला परेका शव मध्यबाट ४१ जनाको पहिचान भइसकेको यति एयरलाइन्सले जनाएको छ । पहिचान भएका मृतकको परिवारले शव बुझ्न चाहेमा पोष्टमार्टम पश्चात शव बुझाईने प्रहरीले जानकारी दिएको छ ।
शव पहिचान र परिक्षणका लागि गठित विशेषज्ञ टोलीका दुई सदस्य सोमबार पोखरा पुगिसकेका छन् । साथै, विदेशी नागरिक, चालक दलका सदस्य र पहिचान हुन नसकेका शव काठमाडौं ल्याउन नेपाली सेनाको हेलिकप्टर पोखरा पुगिसकेको नेपाली सेनाले जनाएको छ ।
दुर्घटनामा निधन भएका यात्रुको शव पोखरा स्वास्थ्य विज्ञान प्रतिस्ठानमा राखिएको जिल्ला प्रहरी कार्यालय पोखराले जनाएको छ ।
