काठमाडौं । पोखरामा आइतबार भएको विमान दुर्घटनामा अहिलेसम्म ६८ जनाको शव फेला परेको छ । आइतबार ६३ र सोमबार बिहान थप ५ जनाको शव फेला परेको कास्की प्रहरीले जनाएको छ ।
बेपत्ता ४ जनाको खोजी गरिएको छ । पोखराका लागि काठमाडौंबाट ६८ यात्रु बोेकेर उडेको यति एयरलाइन्सको विमान पोखरा–७ घारीपाटन र पोखरा–१५ नयाँगाउँस्थित सेती नदीको खोंचमा दुर्घटना हुदा खोजी कार्यमा केही समस्या भएको हो ।
पोस्टमार्टमपछि शव आफन्तलाई दिन शव बाहन र एम्बुलेन्स तयार पारिएको छ । विमानमा चार चालकदलसहित ७२ जना सवार थिए ।