काठमाडौं, ११ पुष । काठमाडौंको मैतीदेवीमा आज एकाविहानै बस दुर्घटना हुँदा १७ जना घाइते भएका छन् ।
पुरानो बानेश्वरबाट मैतीदेवीतर्फ आउँदै गरेको बस पेट्रोल पम्पनजिकै विद्युतको पोलमा ठोक्किएर पल्टिंदा घाइते भएका १७ मध्ये चार जनाको अवस्था गम्भीर छ । घाइतेहरुको वीर र नर्भिक अस्पतालमा उपचार भइरहेको छ । तीव्र गतिमा आएको सिटी यातायातको बा २ ख ८७३३ नम्बरको बस अनियन्त्रित भई पोलमा ठोक्किएको ट्राफिक प्रहरीले जनाएको छ ।
