काठमाडौं । आज प्रधानमन्त्री पुष्पकमल दाहाल प्रचण्ड गोरखा जाँदै छन् । आजदेखि सुरु हुने ११औं गोरखा महोत्सव उद्घाटन गर्न प्रधानमन्त्री दाहाल आज गोरखा जान लागेका हुन् ।
प्रचण्ड गोरखा–२ बाट गत मंसिर ४ गते भएको प्रतिनिधि सभाको निर्वाचनमा भारी मतले निर्वाचित भएका थिए । उनी पुस १० गते नेकपा एमालेसहित सात पार्टी र तीन सांसदहरुको समर्थमा प्रधानमन्त्री बनेका थिए ।
उनले मंगलबार संसदबाट विश्वासको मत पाए । प्रधानमन्त्री भएपछि प्रचण्ड पहिलो पटक गोरखा जान लागेका हुन् ।
