काठमाडौं । प्रतिनिधि सभाको आज बिहान ११ बजेका लागि बोलाइएको बैठक सरेको छ । बैठक आज दिउँसो १ बजे बस्ने भएको हो ।
नेपाली कांग्रेसको पदाधिकारी बैठक र संसदीय दलको बैठक बस्ने हुनाले बैठक २ घण्टा पछि सारिएको हो ।
कांग्रेसको बैठकमा प्रधानमन्त्रीलाई मत दिनेबारे छलफल गरिरहेको छ ।
प्रधानमन्त्री पुष्पकमल दाहालले आज विश्वासको मत लिदै हुनुहुन्छ । प्रधानमन्त्री पदमा नियुक्त भएको ३० दिनभित्र प्रतिनिधि सभाबाट विश्वासको मत लिनुपर्ने प्रावधान छ ।
सोही प्रावधान अनुसार प्रधानमन्त्री दाहालले पुस २६ गते प्रतिनिधि सभा बैठकको कार्यसूचीमा समावेश गर्ने व्यवस्थाका लागि अनुरोध गर्नुभएको छ ।
२ सय ७५ सदस्यीय प्रतिनिधि सभाको विश्वास लिन प्रधानमन्त्रीलाई १ सय ३८ सांसदको समर्थन आवश्यक पर्छ ।
