काठमाडौं । अब काठमाडौं महानगरपालिका भित्रका विद्यालयहरुमा पूर्वस्वीकृति बिना कोही पनि प्रवेश गर्न पाइने छैन् । महानगर अन्तर्गतको शिक्षा विभागले सबै विद्यालयलाई पत्राचार गर्दैै विभिन्न संघसंस्थाहरुलाई विभागको पूर्वस्वीकृति विना प्रवेश नगराउन निर्देशन दिएको हो ।
विद्यालयमा धार्मिक संगठन, मानवअधिकार, विद्यार्थी संगठन, बाल अधिकार, एनजिओ, आईएनजीओ, संस्था, गेष्ट लेक्चरआदीको नाममा विद्यार्थी तथा शिक्षक विद्यार्थीसँग जबरजस्ती आर्थिक सहयोग माग गर्ने गरेको गुनासो आएको विभागले जनाएको छ ।
विद्यार्थीहरुलाई अमर्यादित व्यवहार गर्ने, विद्यार्थीहरुलाई अवान्छित गतिविधिका लागि उस्काउने, शैक्षिक वातावरण खल्बलिने जस्ता क्रियाकलाप भइरहेको गुनासो आएपछि महानगरले यस्तो निर्देशन दिएको हो ।
