काठमाडौं । प्रधानमन्त्री निवास बालुवाटारमा सत्तागठबन्धनको बैठक सुरु भएको छ । शक्ति बाँडफाँटको विषयमा छलफल गर्न बैठक सुरु भएको हो ।
आजको बैठकले अब बन्ने सरकारको नेतृत्व कसले गर्ने भन्ने टुगो लाग्ने जनाइएको छ ।
राष्ट्रपति विद्यादेवी भण्डारीले नयाँ सरकारका गठनका लागि दिएको पहिलो चरणको समय आज सकिदै छ ।
आज साझ ५ बजेसम्म समयसीमा सकिने भएकोले दलहरु सहमति जुटाउने अन्तिम प्रयासमा लागेका छन् ।
सहमति जुटाउन शीर्ष नेताहरुबीच छलफल हुँदै आएको छ ।
बैठकमा नेपाली कांग्रेस, माओवादी केन्द्र र एकीकृत समाजवादीका शीर्ष नेताहरु सहभागी छन् ।