काठमाडौं, १७ मंसिर। पूर्वउप्रधानमन्त्री बामदेव गौतमले मध्यावधि चुनाव हुने ठोकुवा गर्नुभएको छ। माउण्टेन टेलिभिजनको समय सन्दर्भमा शुक्रबार साँझ अन्तवार्ता दिदै मध्यावधि चुनावको तयारी गर्न आव्हान समेत गर्नुभएको छ ।
‘मध्यावधि चुनाव छ महिना कि वर्ष दिनमा हुन्छ, तयारी गरे हुन्छ,’ नेता गौतमले भन्नुभयो । उहाँले अहिलेको गठबन्धन कुनै हालतमा नचल्ने ठोकुवा समेत गर्नुभयो ।
कम्युनिष्टहरु सिद्धिने गौतमले बताउनुभयो । उहाँले भन्नुभयो,‘कम्युनिष्टहरु सिद्धिदैछन् ।’ अहिले कम्युनिष्टहरु भुईमा आइपुगेको टिप्पणी गर्नुभयो ।
‘जनताले कम्युनिष्टलाई हराए, काँग्रेसलाई जिताए । काँग्रेससँगको असैद्धान्तिक गठबन्धनलाई अस्वीकृत गरे,’ गौतमले भन्नुभयो ।
काँग्रेसभित्र प्रधानमन्त्री बन्न ठूलै लफडा हुने बताउनुभयो । उहाँले भन्नुभयो,‘काँग्रेसभित्र आधा दर्जन नेता प्रधानमन्त्री बन्न लाइनमा हुनुहुन्छ ।’
