काठमाडौं, ३ मंसिर । नेकपा माओवादी केन्द्रले पार्टीका पोलिटव्यूरो सदस्य प्रकाश दाहालको निधन भएकोमा गहिरो शोक व्यक्त गरेको छ । पार्टीले दाहालको निधनबाट सिंगो पार्टी शोकाकुल भएको उल्लेख गर्दै गहिरो शोक्त व्यक्त गरेको हो ।
दिवंगत दाहालको पार्थिव शरिरलाई अन्तिम श्रद्धाञ्जलीका लागि पार्टी केन्द्रिय कार्यालय पेरिसडाँडामा पुर्याएपछि आयोजित शोक सभामा पार्टीकी प्रवक्ता पम्फा भुसालले दाहालको निधनबाट सिंगो पार्टी शोकाकुल भएको उल्लेख गर्दै दिवंगत आत्माको चीर शान्तिको कामना गरेकी छन् ।
माओवादी केन्द्रले एक मात्र छोराको निधनबाट पार्टी अध्यक्ष पुष्पकमल दाहाल र सल्लाहकार सीतासँगै सिंगो परिवारमा परेको चोटबाट पार्टी अत्यन्त मर्माहत भएको पनि उल्लेख गरेको छ । प्रवक्ता भुसालले दाहालको निधनबाट पार्टीले एउटा जुझारु, उदिएमान नेता र व्यवस्थापक गुमाएको उल्लेख गरिन् ।
पार्टीद्धारा जारी शोक वक्तव्यमा दाहालले युद्धकालको कठिन संघर्षमय दिनहरुमा खेलेको भूमिकाको पनि स्मरण गरन् । दाहालको आईतबार विहान ‘आकस्मिक हृदयघातका’ कारण असमायिक निधन भएको थियो ।
