ललित सिहं
१९ माघ, बझाङ
फाटफुट रुपमा सुन्तला खेती देखीने बझाङ जिल्लामा यहाँको कफलसेरी गाविसका एक किसानले भने व्यावसायिक खेती गरेर जिल्लाकै उदाहरणिय ठाँउ बनाएका छन् । उनले गरेको सुन्तला खेती त्यहाँका अन्य किसानहरुले पनि फैलाए पछि कफलसेरी गाविस सुन्तलामा नमुना बन्दै गएको हो ।
सानो खेती वाट सुन्तला खेती सुरु गरेका कफलसेरी गाविसका विष्णुभक्त जोशीले हाल ३ यस भन्दा बढी सुन्तलाका बोटहरुको बगैचा बनाएको छ ।
जिल्लामा सुन्तला खेतीको व्यावसाय गरेर कफलसेरीका विष्णुभक्तको बारीमा अहिले विभिन्न जिल्लाका कृषकहरु समेत भ्रमणका लागी आउने गरेका छन् ।सुन्तला खेती बाट जोशिले मनग्य आम्दानी समेत गरेका छन् । जिल्लाको बुङ्गल क्षेत्रको कफलसेरी गाविस २ का ब्यावसायिक रुपमा सुन्तला खेती गर्दै आएका कृषक जोशि बार्षिक ५÷७ लाख सम्म आम्दानी गर्दै आएको उनले बताए ।
उनको बगैचामा उत्पादन भएका सुन्तला बझाङ जिल्ला लगायत डडेल्धुरा, धनगढी समेत पठाईने गरेको छ । कफलसेरी गाविसका किसान जोशिको मेहेनत र लगनशिलले उनी मात्र नभई कफल सेरी गाविसलाई नै सुन्तलाको पकेट क्षेत्रका रुपमा परिचित गरीएको जिल्ला कृर्षि विकास कार्यलयका प्राविधिक मदन राज जोशिले बताए । उनले भने यो ब्यावसायलाई फस्टाउन कार्यालयले त्यस क्षेत्रका अन्य किसानलाई पनि प्रोत्साहन गर्दै आएका छौ ।
ठुलो मात्रामा सुन्तलाका रुख रहेको जोशीको बगैचा बाट गतबर्ष चार हजार क्युन्टल सुन्तला विक्री गरेका विष्णुभक्तले यसपाली अझ बढि फलेको बताए । किशान जाशिले सुन्तलाका बोटको नर्सरी खेती गरेर आफ्नो गाँउका साथै छिमेकी गाविसका किसानहरुलाई पनि सुन्तलाका बोट वितरण गरेर ब्यावसाय गर्न सहयोग गर्दै आएका छन् । अहिले कफलसेरी गाविसमा प्रत्यक घर परिवारमा दुई चार बोट सुन्तला नभएको कुनै परिवार छैन भने एक सय भन्दा बढि किसानले सुन्तला खेतीलाई ब्यावसाय बनाउदै आएका छन् ।
तर यस ठाँउमा यातायातको सुविधा नहुँदा उत्पादन सबै सुन्तलाहरु विक्री नहुने गरेको अर्का किसान नबराज जोशीले जानकारी दिए । कफलसेरी गाविस सुन्तला खेतीको पकेट क्षत्र भए पछि जिल्ला कृर्षि विकास कार्यलयले त्यहाँ सुन्तल स्टोर गर्ने घर समेत निर्माण गरी दिएको छ । कफलसेरी जस्तै जिल्लाको कोईरालकोट, पौवागडी , कालुखेती लगायतका गाविसमा सुन्तला खेती गरीदै आएको छ ।
