काठमाडौं । नेपालमा पछिल्लो २४ घण्टामा थप १ हजार ७ सय ५६ मा कोरोना संक्रमण पुष्टि भएको छ ।
स्वास्थ्य तथा जनसंख्या मन्त्रालयका अनुसार पछिल्लो २४ घण्टामा भएका १४ हजार ३ सय ३४ परीक्षणमध्ये १ हजार ७ सय ५६ मा संक्रमण पुष्टि भएको हो ।
मन्त्रालयका अनुसार ९ हजार ७ सय ७३ पीसीआर परीक्षणमा १ हजार ३ सय ५७ र ४ हजार ५ सय ६१ एन्टिजेन परीक्षणमध्ये ३ सय ९९ मा संक्रमण पुष्टि भएको हो ।
त्यसैगरी पछिल्लो २४ घण्टामा २३ जनाको कोरोना संक्रमणको कारण मृत्यु भएको छ । नेपालमा हालसम्म १० हजार ८ सय ९ ले कोरोनाका कारण ज्यान गुमाईसकेका छन् ।
पछिल्लो २४ घण्टामा संक्रमणमुक्त हुनेको संख्या भने २ हजार २ सय ७४ रहेको छ । नेपालमा संक्रमण निको हुनेको दर ९४.३ प्रतिशत रहेको छ । मन्त्रालयका अनुसार हालसम्म ७ लाख २३ हजार ४ सय ५६ संक्रमणमुक्त भईसकेका छन् ।
हाल नेपालमा ३३ हजार ६ सक्रिय संक्रमित रहेका छन् ।
