काठमाडाैं । अफगानिस्तानबाट उद्धार गरिएका थप ६१ जना नेपाली आज नेपाल आइपुगेका छन् । अफगानिस्तानको बेलायतको दूतावासमा सुरक्षा गार्डको रुपमा कार्यरत ६१ जना नेपाली कतार एयरवेजबाट आज नेपाल आइपुगेका हुन ।
अफगानिस्तानस्थित वेलायती दुतावासमा कार्यरत ८६ मध्ये ६१ सुरक्षा गार्डलाई बेलायतले उद्दार गरी नेपाल ल्याएको हो । बाँकी २५ पनि आजै साझसम्ममा नेपाल आइपुग्ने बताइएको छ । नेपाल आइपुगेका सबैलाई सामाखुसीस्थित राधा स्वामी सत्संग भवनमा लगेर एन्टीजेन परिक्षण गरिनेछ ।
रिपोर्ट नेगेटिभ आएकालाई घर पठाउने र पोजेटिभ आएकालाई आइसोलेसनमा राखिने तयारी भएको बताइएको छ । मंगलबार र बुधबार गरेर अफगानीस्तानबाट २ सय ४९ जना नेपाली स्वदेश फर्किएका छन् ।
यसैबीच बेलायती कम्पनीमार्फत काबुलमा कार्यरत ४ सय ३७ नेपालीलाई उद्धार गरी बेलायत लगिएको छ । बेलायती सेनाले उद्दार गरेको ती नेपालीलाई नियमित उडानमार्फत काठमाडौं ल्याइने बताइएको छ ।
