एजेन्सी । आईसीसी टी–ट्वान्टी विश्वकप क्रिकेटको खेल तालिका सार्वजनिक भएको छ ।
अन्तर्राष्ट्रिय क्रिकेट परिषद् आईसीसीले यूएई र ओमानमा संयुक्त रूपमा हुने विश्वकप क्रिकेटको खेल तालिका सार्वजनिक भएको हो ।
भारतमा हुने भनिएको विश्वकप कोरोनाका कारण यूएई र ओमानमा हुने गरी अक्टोबर १७ बाट नोभेम्बर १४ सम्म सारिएको छ । तालिका अनुसार भारतले पहिलो खेलमै पाकिस्तानसँग खेल्ने भएको छ ।
सुपर–१२ को समूह २ मा रहेको भारतले पाकिस्तानसँग अक्टोबर २४ मा प्रतिस्पर्धा गर्नेछ । भारत र पाकिस्तानबीचको खेल दुबईमा हुनेछ ।
