काठमाडौं । नेपालमा पछिल्लो २४ घण्टामा १६ हजार ६ सय ५६ परीक्षण हुँदा ३ हजार ४ सय ८१ जनामा कोरोना संक्रमण पुष्टि भएको छ ।
मन्त्रालयका अनुसार पछिल्लो २४ घण्टामा गरिएको १० हजार ९ सय ७ पीसीआर परीक्षण मध्ये २ हजार ६ सय १६ संक्रमण र ५ हजार ७ हजार ४९ एन्टिजेन परीक्षण गर्दा ८ सय ६५ मा संक्रमण पुष्टि भएको हो ।
त्यसैगरी पछिल्लो २४ घण्टामा १ हजार ८ सय ८५ जनाले कोरोना भाइरसलाई जित्न सफल भएका छन् । योसंगै नेपालमा कोरोना संक्रमणमुक्त हुनेको संख्या ६ लाख ७५ हजार ८३ पुगेको छ ।
मन्त्रालयका अनुसार पछिल्लो २४ घण्टमा ३० संक्रमितले ज्यान गुमाएका छन् । हालसम्म नेपालमा १० हजार १ सय ८० ले संक्रमणका कारण ज्यान गुमाईसकेका छन् ।
हाल नेपालमा ३८ हजार ३३ सक्रिय संक्रमितहरु रहेका छन् ।
