काठमाडौँ । जनता समाजवादी पार्टी जसपा ठाकुर पक्षका चार सांसदहरुले उनको साथ छोडेका छन् । अध्यक्ष महन्थ ठाकुर पक्षमा रहेका चार सांसद, प्रतिनिधिसभा पुनर्स्थापनासँगै अर्का अध्यक्ष उपेन्द्र यादव पक्षमा लागेका हुन् ।
पार्टी कार्यालय, बालकुमारीमा शनिबार बसेको संसदीय दलको बैठकमा सांसदहरु प्रमोद साह, अमृता अग्रहरी, रानी मण्डल र नरमाया ढकाल सहभागी भएका हुन् । योसँगै ३२ सदस्यीय संसदीय दलमा दुबै पक्षको नेताहरु १६–१६जनामा विभाजन भएको हो ।
गठबन्धनको सरकारलाई सहयोग गरेसंगै ठाकुर पक्षका नेताहरु यादव पक्षमा आउन थालेका हुन् ।
