काठमाडौं । नेपालका लागि नवनियुक्त अष्ट्रेलियाली राजदूत फेलोसिटी वोल्कले बिहीबार बिहान माओवादी केन्द्रका अध्यक्ष पुष्पकमल दाहालसँग शिष्टाचार भेटवार्ता गरेकी छन् । भेटका क्रममा अध्यक्ष दाहालले नवनियुक्त राजदूत वोल्कलाई स्वागत गरे ।
अध्यक्षले अष्ट्रेलियासँग नेपालको सम्बन्ध धेरै पुरानो रहेको उल्लेख गर्दै नेपालका लागि पु¥याउँदै आएको सहयोग र सद्भावप्रति अष्ट्रेलिया र त्यहाँका जनतामा कृतज्ञता समेत प्रकट गरे । सो अवसरमा अध्यक्षले राजदूत वोल्कको कार्यकालको सफलताको शुभकामना व्यक्त गरे ।
उक्त भेटवार्तामा राजदूत वोल्कले नेपाल र नेपालीलाई अष्ट्रेलियाली जनताले प्यारो मान्ने उल्लेख गर्दै आफ्नो कार्यकाल सफल बनाउन सहयोगको अपेक्षा पनि गरिन् ।
