एजेन्सी । ब्राजिलका राष्ट्रपति जैर बोलसानारोले कोपा अमेरिकाको फाइनलमा ब्राजिलले नै जित्ने दाबी गरेका छन् ।
ब्राजिलमा जारी कोपा अमेरिका फुटवल प्रतियोगिताको आइतबार बिहान हुन लागेको फाइनलमा ब्राजिलले अर्जेन्टिनालाई ५–० गोल अन्तरले हराउने दाबी गरेका हुन् ।
विभिन्न दक्षिण अमेरिकी नेताहरुसँगको भर्चअल मिटिङमा ब्राजिलका राष्ट्रपति बोलसानारोले समकक्षी अर्जेन्टिनाका राष्ट्रपति अलबर्टो फर्नानेन्डेजलाई जिस्काउँदै यस्तो दाबी गरेका हुन् ।
बोलसानारोले हाँस्दै आफ्नो हातको पञ्जा देखाउँदै ब्राजिलले अर्जेन्टिनालाई ५–० गोल अन्तरले हराउने बताएका हुन् ।