काठमाडौं । एमालेमा देखिएको विवाद समाधानका लागि गठित कार्यदलको बैठकले पार्टी समस्या समाधानका लागि आज नै पूर्णता दिने बताएको छ ।
सिंहदरबारस्थित अर्थमन्त्रालयमा जारी बैठकले आज नै पूर्णता दिने प्रयास भईरहेको बैठकमा सहभागी रघुजी पन्तले बताएका छन् । कार्यदलको छलफल अझै जारी रहेको उनले जानकारी दिएका छन् ।
छलफल सकरात्मक भएको र सम्भव भएसम्म आज नै पूर्णता दिने उनले बताए । कार्यदलका दुबै पक्षका नेताहरुको धारणालाई सँगै लगेर पूर्णता दिने प्रयास भईरहेको उनले बताए ।
कार्यदल प्रधानमन्त्री तथा पार्टी अध्यक्ष केपी शर्मा ओली र माधवकुमार नेपालप्रति उत्तरदायी भएकाले आफूहरुले तयार गरेको प्रतिवेदनलाई पूर्णता दिने अधिकार भने अध्यक्ष ओली र नेपालमा नै रहेको उनले उल्लेख गरे ।
समग्र पार्टीलाई स्वीकार्य हुने प्रतिवेदन तयारीका लागि छलफल भईरहेको उनले जानकारी दिए ।
