चितवन । चितवनको माडी नगरपालिका–३ स्थित खनी खोलामा पौडी खेल्ने क्रममा बेपत्ता भएका एक जनाको शव सशस्त्र प्रहरीले फेला पारेको छ ।
पौडी खेल्ने क्रममा वेपक्ता भएको २१ वर्षीय हिक्मत शाहीको शव प्रहरीले बिहीबार फेला पारेको प्रहरीले जनाएको छ ।
मृतक हुम्लाको खार्पुनाथ गाउँपालिका घर भई चितवनको माडी नगरपालिका–६दिवाकर स्मृति प्राविधिक शिक्षालयमा अध्ययनरत थिए ।
सो घटनाबारे जानकारी पाउनासाथै सशस्त्र प्रहरी बल नेपाल बोर्डर आउटपोष्ट छरछरेबाट खटिएको सशस्त्र प्रहरीले उनको शव उक्त खोलाबाट बाहिर निकालेको प्रहरीले जानकारी दिएको हो ।
