चितवन । रातिदेखि परेको अविरल वर्षाकाे कारण चितवनको माडीमा बाढी आउँदा नजिकका विभिन्न बस्ती डुबानमा हुन थालेको छ ।
रौतने खोलामा आएको बाढीले छेउको ड्याम कटान गरी माडी-३ मलाहीटोल डुबानमा पारेको छ र त्यहाँका घरहरू डुबानमा परेका छन् ।
माडीकै डांग्रेखोलामा आएको बाढीले माडीको बरुवा बजारस्थित सुकुमबासी बस्ती डुबानमा परेको छन् भने परुई खोलामा बाढी आउँदा माडी नगरपालिका-७ को चेपाङ बस्ती डुबानमा परेको छ ।
बाढीकाे कारण बिजुलीका पोलहरू बगाउँदा विद्युत सेवा अबरुद्ध बनेको प्रहरीले जनाएको छ ।
डुबानमा परेका बस्तीको बासिन्दालाई सुरक्षित स्थानमा जान भनिएको छ र अहिले जिल्ला विपद् व्यवस्थापन समिति, सुरक्षा निकायसहितको उद्धार टोली माडी पुगेको छ ।