एजेन्सी । १६ औं संस्करणको युरोकप फुटबलमा डेनमार्कले क्वाटरफाइनलमा आफ्नो स्थान बनाएको छ ।
शनिबार राति भएको खेलमा डेनमार्कले वेल्सविरुद्ध जित निकाल्दै अन्तिम आठमा आफ्नो स्थान बनाएको हो ।
प्रि–क्वाटरफाइनलमा १० खेलाडीमा सीमित वेल्सलाई ४–० गोल अन्तरले पराजित गर्दै डेनमार्क अन्तिम आठमा पुगेको हो ।
नेदरल्यान्ड्सको जोहान क्रुफ एरिनामा डेनमार्कलाई जित दिलाउन युवा स्ट्राइकर कास्पर डोलवर्गले दुई गोल गरे । जोकिम माहेल र मार्टिन ब्रेथवेटले एक एक गोल गरे ।
अब डेनमार्कले क्वाटरफाइनलमा प्रवेशका लागि नेदरल्यान्ड्स र चेक रिपब्लिकबीचको विजेतासँग खेल्नेछ ।
