पर्वत। कोरोना कहरसंगै पर्वतस्थीत जलश्रोत तथा सिचाई डिभिजन कार्यालयले चालु वर्षको ११ महिनामा ८५ प्रतिशत काम सम्पन्न गरेको जनाएको छ । चालु वर्ष साना तथा ठुला योजना सम्पन गरेको कार्यालयले जनाएको छ । भौतिक पुर्वाधार विकास मन्त्रालय र गण्डकी प्रदेश अन्तर्गत जलश्रोत तथा सिचाई डिभिजन कार्यालय अन्तर्गत शर्सत र प्रदेश अन्तर्गत नदि नियन्त्रण समेत हालसम्म भौतीक प्रगति ८५ प्रतिशत भएको जनाएको छ ।
भौतिक प्रगति उल्लेख्य भएको भए पनि बित्तिय प्रगति ६२ दशमलबं. २ प्रतिशत रहेको कार्यालयले जनाएको छ ।हालसम्म सम्पन्न भएका १९ र निमार्णधिन २८ योजना छन् । केहि योजना निर्माणको अन्तिम चरणमा रहेकोले असार मसान्त सम्म सम्मपन्न हुने सुचना अधिकारी जगन्नाथ खनालले बताए । उपल्ब्धी को लक्ष्य सिंचाई अन्तरर्गत १९ सय ७४ हेक्टर जमिनमा सिंचाई हुने नहर तथा कुलो निर्माण भएका हुन् । त्यस्तै नयाँ कुलो सुधारतर्फ ३ सय ४९, पुर्नास्थापना तथा सुधारतर्फ ९६५ हेक्टरको काम भएको कार्यालयले जनाएको छ ।
३४९ हेक्टर नयाँ कुलो सुधार गरिएको कार्यालयले जनाएको छ । कार्यालयका अनुसार चालु वर्ष मात्रै २९४ हेक्टरमा सिंचाई थपिएको कार्यालयले बताएको छ । त्यस्तै कार्यालयले नदी नियन्त्रणतर्फ संरचना अन्तरगत २७ र जग्गा उकास मा १४ हेक्टर क्षेत्रफल बिस्तार गरेको दाबी गरेको छ । कोरोना कारण पनि प्राय योजना अगाडि नै समस्या नभएको बताउदै काम र अनुगमन पनि भइरहेको कार्यालय प्रमुख थलबहादुर तामाङ्गले बताए ।
पुन स्थापना सुधारका धेरै आयोजना भएका कारण सिचाईको क्षेत्र विस्तार नभएपनि वितीय भौतीक प्रगती गण्डकी प्रदेशमै बढी भएको कार्यलयको दावी छ । कार्ययलयले वर्षौ पहीलो निर्माण भएका सिचाई आयोजना हरु मर्मत सम्भार काठेपोल प्रतिस्थापन तथा कालीगण्डकी जलाधार संरक्षण लगायतका संघिय कार्यक्रम सम्पन्न गरेको हो । समयमै टेण्डर आह्वान, उपभोक्ता समीती भन्दा ठेकेदार प्रणली मार्फत काम गर्दा प्रगती हाँसील गर्न सहज भएको कार्यलयको जनाएको छ ।
कोरोना कहरको विचमा पनि मजदुरको व्यवस्थापन सहज बनाईदिएपछि काममा प्रगती हाँसील गर्न सहज भएको कार्यलयका प्रमुख तामाङको दाबी छ ।जिल्लामा कुल २८ हजार हेक्टर कृषि योग्य जमीनभएकोमा २४ हजार हेक्टर जमीनमा खेती हुँदै आएको छ ।
