आफ्नै छोराद्धारा बाबुको हत्या | ईमाउण्टेन समाचार

Our Network

चैत १६ २०८०, शुक्रबार

आफ्नै छोराद्धारा बाबुको हत्या

जनकपुर। धनुषा जिल्लामा आफ्नै छोराद्धारा बाबुको हत्या भएको छ । अंश बण्डाको विवादमा छोराले बिहीबार राति बाबुको हत्या गरेका हुन्।

धनुषाधाम नगरपालिका– १ काशिपुर बस्ने ७० वर्षीय विशो यादवलाई आफ्नै कान्छो छोरा श्रीकृष्ण यादवले हत्या गरेको धनुषाका प्रहरी नायव उपरीक्षक मकेन्द्र मिश्रले जानकारी दिएका छन् । सोधपुछको क्रममा अपराध स्वीकार गरेपछि उनलाई घरबाटै पक्राउ गरिएको प्रहरी नायव उपरीक्षक मिश्रले जानकारी दिए ।

विवाद भएपछि आक्रोसमा आएर छोरा श्रीकृष्णले मसला कुट्ने खलले प्रहार गरी बाबुको हत्या भएको हुन सक्ने प्रहरीले बताएको छ ।

अंशबण्डा र अन्य घरायसी विवादका कारण घरमा निरन्तर झै घगडा तथा कुटपिट भइरहेको स्थानीयको भनाई उद्धत गर्दै प्रहरीले जानकारी दिएको हो ।

मृतक यादवको शव पोष्टमार्टमको लागि प्रादेशिक अस्पताल जनकपुरमा ल्याइएको छ । घटनाबारे थप अनुसन्धान भइरहेको प्रहरीको भनाई छ ।

Leave a Reply

(function ($) { $(function () { $('#announcementModal').modal('show'); }) })(jQuery);