धौलागिरी। नेपाल चिकित्सक संघले धौलागिरी क्षेत्रका तीन जिल्लालाई अक्सिजन, कन्सन्ट्रेटेड लगायतका स्वास्थ्य समाग्री प्रदान गरेको छ । संघले बाग्लुङ, पर्वत र म्याग्दीका लागि १२-१२ थानका दरले अक्सिजन, कन्सन्ट्रेटेड लगायतका समाग्री प्रदान गरेको हो ।
तीनवटै जिल्लाका लागि अक्सिजन कन्सन्ट्रेटेडको साथमा पीपीई र अन्य स्वास्थ्य सामाग्री स्वास्थ्य मन्त्रालयका प्रमुख सल्लाहकार प्रताप पौडेलमार्फत पठाइएको हो । बाग्लुङ १२, म्याग्दीमा १२ पर्वतमा १२ थान कन्सन्ट्रेटेड सहित करिब ३५ लाख बराबरको स्वास्थ्य सामग्री पठाइएको मन्त्रालयले जनाएको छ।
कोरोना संक्रमण दोस्रो लहरको महामारी बढ्दै गएको अवस्थामा अस्पताल र स्वास्थ्य संस्थालाई केही राहत होस् भन्ने उद्देश्यले चिकित्सक संघसँगको आग्रहमा धौलागिरी क्षेत्रमा कन्सन्ट्रेटेड स्वास्थ्य सामग्री पठाइएको पौडेलले बताए ।
बाग्लुङका लागि ल्याइएको अक्सिजन कन्सन्ट्रेटेड जिल्लाको धौलागिरी अस्पताल, बाग्लुङ नगरपालिकाको आइसोेलेसन केन्द्र, पैयुँपाट नारायणस्थान, अमलाचौर, गलकोट प्राथमिक स्वास्थ्य केन्द्र र बुर्तिबाङ प्राथमिक स्वास्थ्य केन्द्रका लागि हस्तान्तरण गरिएको छ ।
