पाेखरा । गण्डकी प्रदेशका मुख्य न्यायाधीवक्ता राजेन्द्र घिमिरेले राजीनामा दिएका छन् ।
पृथ्वीसुब्बा गुरुङ मुख्यमन्त्रीबाट पदमुक्त भएसँगै घिमिरेले राजीनामा दिएका हुन् । गुरुङको ठाउँमा नेपाली कांग्रेस संसदीय दलका नेता कृष्णचन्द्र नेपाली पोखरेल शनिबार मुख्यमन्त्री नियुक्त भएका छन् । घिमिरेले त्यसको भोलिपल्टै आइतबार राजनीनामा दिएका हुन् ।
२०७४ फागुन ४ गते मुख्यमन्त्री भएका गुरुङले घिमिरेलाई सोही महिनाको २१ गते मुख्य न्यायाधिवक्ता नियुक्त भएका थिए । घिमिरेको सपथ चैत ८ गते भएको थियो ।
मुख्यमन्त्रीको कानुनी सल्लाहकारको भूमिका हुने न्यायाधिवक्ताको जिम्मेवारीमा रहँदा घिमिरेले सरकारलाई कानुन निर्माणका धेरै विषयमा महत्वपूर्ण योगदानसमेत गरेका थिए । लमजुङ श्रीभन्ज्याङ गाउँका बासिन्दा घिमिरेले अस्ट्रेलियाबाट विद्यावारिधि गरेका थिए ।
राजीनामा दिँदै घिमिरेले आफ्नो कार्यकालमा सहयोग गर्ने सबैलाई धन्यवाद दिएका छन्
