काठमाडौं । नेकपा एमालेको स्थायी कमिटी बैठक बस्ने भएको छ ।
प्रधानमन्त्री निवास बालुवाटारमा अपरान्ह ४ बजे स्थायी कमिटीको बैठक बस्न लागेको हो । पार्टी कार्यालय सचिव शेरबहादुर तामाङले पार्टीको आन्तरिक विवाद, बजेटको तयारी र पछिल्लो राजनीतिक घटनाक्रमबारे छलफल गर्न बैठक बोलाइएको जानकारी दिएका छन् ।
आजको बैठकले शनिबार बसेको स्थायी कमिटी बैठकले स्पष्टीकरण सोधिएका नेता माधवकुमार नेपाल, झलनाथ खनालसहितका ११ जनाका विषयमा पनि आवश्यक कारबाही प्रक्रिया अघि बढाउन सक्ने सम्भावना रहेको बताइएको छ ।
२४ घन्टे स्पष्टीकरण सोधिएका ती सांसदहरूले आजसम्म पनि स्पष्टीकरण बुझाएका छैनन् ।
