मकवानपुर । पूर्वी मकवानपुरको बकैया गाउँपालिकाको एक विद्यालय परिसर भित्र एक शव फेला परेको छ ।
सोमबार बिहान गाउँपालिकाको वडा नंबर ३ को जलजलेको ज्ञान ज्योति प्राविको परिसर भित्र शव फेला परेको जिल्ला प्रहरी कार्यलय मकवानपुरले जनाएको छ ।
शव जलजलेका स्थानीय अन्दाजी ३५ वर्षीय दिपक वाईवाको रहेको प्रहरीले जनाएको छ । स्थानीयले शव देखेपछि प्रहरीलाई खबर गरेका थिए ।
घटनाको आवश्यक अनुसन्धान भइरहेको र शव पोस्टमर्टमको लागि हेटौंडा ल्याईएको जिल्ला प्रहरी कार्यलय मकवानपुरले जनाएको छ ।
