एजेन्सी। आउँदो जुलाई २३ बाट जापानको राजधानी टोकियोमा शुरु हुने ओलम्पिक रद्द गर्न जापानमा हस्ताक्षर संकलन शुरु भएको छ । कोरोना माहामारीका कारण एक बर्ष स्थगित भएर यहि बर्षको जुलाई २३ बाट अगष्ट ८ तारिखसम्मका लागि तय भएको ओलम्पिक रद्द गर्न जापानमा हस्ताक्षर संकलन शुरु भएको हो ।
ओलम्पिक रद्द गराउन उत्रिएका अभियानकर्ताहरुले अनलाईन हस्ताक्षर अभियान सुरु गरेका छन् । अभियानकर्ताहरुले विरोधपत्र ओलम्पिक आयोजनासँग सम्बन्धित सबैलाई बुझाईसकेका छन् । अभियानकर्ताहरुले कोरोनाको असर अझैपनि जारी रहेको र प्रतियोगिता सुरक्षित नहुने तर्क राख्दै आयोजना रद्द गर्न दवाव दिएका छन् ।
ओलम्पिक रद्द अभियान सुरुभएको दुई दिनमै दुई लाख भन्दा बढि जापानीहरुले हस्ताक्षर गरेका छन । ओलम्पिकका विरुध्दमा संकलित उक्त हस्ताक्षर अन्तर्राष्ट्रिय ओलम्पिक कमिटी(आइओसी), जापानी प्रधानमन्त्री योशिहिदो सुगा र प्रतियोगितासँग सम्बन्धित सबै संस्था र पदाधिकारीलाई बुझाउने छन् ।
आइओसी र जापान सरकारले भने तोकेकै मितीमा ओलम्पिक हुने बताउँदै आएका छन् । एक सय २४ बर्षको इतिहासमा कारोनाका कारण गत बर्ष बाहेक ओलम्पिक तीन पटक स्थगित भएकोछ । यसअघि १९ सय १६को बर्लिन ओलम्पिक , १९ सय४०को टोकियो ओलम्पिक र १९ सय ४४को र लण्डन ओलम्पिक रद्द भएको थियो ।
