नितेश कर्ण
पर्सा । वीरगञ्जस्थित नारायणी अस्पतालको पीसीआर प्रयोगशालामा गरिएका पछिल्लो परीक्षणअनुसार १ सय ५१ जनामा कोरोना संक्रमण पुष्टि भएको छ ।
पर्सा जिल्लाका विभिन्न स्थानबाट संकलित १ सय ९२ जनामध्ये १ सय ३२ जनाको आरटी पिसिआर र १९ जनाको एन्टिजेन परीक्षण गरिएको छ ।
जसअन्र्तगत पर्सा जिल्लाका एक सय ९, बाराका ३० , सर्लाहीका ७ र रौतहटका ५ मा संक्रमण पुष्टि भएको छ । संक्रमितहरु ६ वर्षदेखि ८८ वर्ष उमेर समूहका रहेका छन् ।
नारायणी अस्पतालका कोभिड १९ संयोजक डा. सरोजरोशन दासका अनुसार थपिएका संक्रमितहरुको सिटि भ्यालु १४ देखि ३४.९ सम्म रहेको छ ।
