काठमाडौं । नेपालमा पछिल्लो २४ घण्टामा थप सात हजार ६ सय ६० जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार देशभरका विभिन्न प्रयोगशालामा गरिएको १६ हजार १ सय ३१ पीसीआर परीक्षणमा ७ हजार ६६० जनामा कोरोना संक्रमण पुष्टि भएको जनाएका छन् ।
काठमाडौं उपत्यकामा मात्रै ३ हजार ८ सय ९३ मा संक्रमण पुष्टि भएको छ । ।
यसैगरी पछिल्लो २४ घण्टामा ५५ जना संक्रमितको मृत्यु भएको छ । यो सहित नेपालमा संक्रमणका कारण ज्यान गुमाउनेको संख्या ३ हजार ४१७ पुगेको छ ।
पछिल्लो २४ घण्टामा १ हजार ७७५ संक्रमणमुक्त भएका छन् । यो सँगै नेपालमा संक्रमणमुक्त हुनेको जम्मा संख्या २ लाख ८७ हजार ७ सय ९० पुगेको छ ।
