काठमाडौं । प्रमुख प्रतिपक्षि दल नेपाली कांग्रेसको पदाधिकारी र पूर्व पदाधिकारी बैठक सम्पन्न भएको छ ।
सभापति शेरबहादुर देउवाको निवास बुढानीलकण्ठमा बसेको बैठकमा बर्तमान सरकार ढालेर कांग्रेसको नेतृत्वमा सरकार गठन गर्ने कार्यलाई तीब्रताकासाथ अगाडि बढाउने निर्णय गरेको छ ।
बैठकमा वर्तमान सरकारलाई हटाउने अन्तिम चरणका छलफहरु भएको र केहि दिनभित्र नै यसको प्रारुप बाहिर आउने समेत बताइएको छ ।
त्यस्तै पदाधिकारी बैठकले भोलिका लागि तय भएको केन्द्रीय समिति बैठक स्थगित गरेको छ । सोमबार केन्द्रीय सदस्यहरुको कोभिड परीक्षण गर्ने र मंगलबार बैठक बस्ने निर्णय भएको बताइएको छ ।
बैठकमा अन्य पार्टीबाट कांग्रेस प्रवेश गर्नेहरुको उचित व्यवस्थापन गर्ने, विदेशमा रहेका पार्टीको महाधिवेशनका मतदातालाई अब समावेश नगर्नेसमेत निर्णय भएको बताइएको छ ।