काठमाडौँ। पुर्वराजा ज्ञानेन्द्र शाह दम्पती अस्पताल भर्ना भएका छन् । कोभिड–संक्रमण भइ निर्मल निवासस्थित आइसोलेशनमा रहेका शाह दम्पतीको स्वास्थ्यमा समस्या देखिएपछि थापाथलीस्थित नर्भिक अस्पतालमा भर्ना गरिएको हो ।
पूर्वराजाका सचिव फणि पाठकले स्वास्थ्यमा समस्या देखिएपछि पूर्वराजा ज्ञानेन्द्र र पूर्वरानी कोमललाई शनिबार नर्भिकमा अस्पतालमा भर्ना गरिएको बताए ।
भारतको हरिद्वार भ्रमणबाट फर्किएपछि स्वास्थ्यमा समस्या देखिएकाले कोरोना परीक्षण गर्दा वैशाख ७ गते पूर्वराजा दम्पतीमा कोरोना संक्रमण पुष्टि भएको थियो ।
