काठमाडौं । जल तथा मौसम पूर्वानुमान महाशाखाका अनुसार आज देशका अधिकाँस स्थानमा आंशिक बदली रहने छ ।
हाल देशमा स्थानीय वायुका साथै पश्चिमी वायुको प्रभाव कायमै रहेको छ ।
अहिले देशका पहाडी भूभागहरूमा आंशिक बदली रही बाँकी भूभागमा सामान्यतया सफा रहेको छ ।
आज दिउँसो देशका सुदूरपश्चिम प्रदेश र कर्णाली प्रदेशका केही स्थानमा हल्का वर्षा भई रहेको छ । गण्डकी प्रदेशका केही स्थानमा भूभागमा आंशिकदेखि सामान्यबदली र अन्य पहाडी भूभागहरुमा आंशिक बदली रहने छ । सुदूरपश्चिम प्रदेश, कर्णाली तथा गण्डकी प्रदेशका पहाडी भूभागहरुका थोरै स्थानहरुमा मेघगर्जन, चट्याङ र हावाहुरी सहित हल्का वर्षाको सम्भावना रहेको छ ।
त्यसैगरी आज राति पहाडी भूभागहरुमा आंशिक बदली रही अन्य स्थानहरुमा मौसम सामान्यतय सफा रहने छ ।
सुदूरपश्चिम प्रदेश, कर्णाली प्रदेश तथा गण्डकी प्रदेशका पहाडी भूभागका केही स्थानहरुमा मेघगर्जन, चट्याङ र हावाहुरीसहित हल्का वर्षाको सम्भावना रहेको हुनाले आवश्यक सतर्कता अपनाउन महाशाखाले आग्रह गरेको छ ।
