काठमाडाैं । नेकपा एमालेको केन्द्रीय पार्टी कार्यालय आज नयाँ भवनमा सर्दैछ ।
धुम्बाराहीस्थित पासाङल्याह्मु प्रतिष्ठानमा बस्दै आएको कार्यालय आजदेखि थापाथलीमा सर्न लागेकोे हो । दिउँसो ११ बजे पार्टी अध्यक्ष तथा प्रधानमन्त्री केपी शर्मा ओलीले उद्घाटन गर्ने पार्टी केन्द्रीय कार्यालयले जनाएको छ ।
त्यसअघि भुकम्पले भत्काएको एमालेको पार्टी कार्यालय मदन नगर बल्खुमा नयाँ भवन निर्माणका लागि शिलान्यास हुँदैछ ।
अध्यक्ष ओलीले बिहान ९ बजे शिलान्यास गर्ने कार्यक्रम रहेको छ ।
