एजेन्सी । लिभरपुल च्याम्पियन्स लिग फुटबलको क्वाटरफाइनलबाटै बाहिरिएको छ ।
बुधबार राति भएको खेलमा गोलरहित बराबरी गरेको लिभरपुल स्पेनिस क्लब रियल मड्रिडसँग समग्रमा ३–१ ले पराजित भएको हो ।
भ्रमण टोली रियल मड्रिडले दोस्रो लेगमा गोल गर्न नसके पनि यसअघि घरेलु मैदानमा भएको पहिलो लेगमा ३–१ को जित दर्ता गरेको थियो । प्रिमियर लिगमा छैटौँ स्थानमा रहेको लिभरपुल चौथो स्थानको टिम भन्दा तीन अंकले पछि छ ।
लिभरपुललाई स्तब्ध पारेको रियल मड्रिडले फाइनल प्रवेशका लागि सेमिफाइनलमा चेल्सीको सामना गर्ने भएको छ ।