काठमाडाैं, ३० चैत । नेपाली १९ बर्षमुनिको राष्ट्रिय क्रिकेट टोलीलाई चौधरी ग्रुपको वाईवाई चाउचाउले ५ वर्षको लागि प्रायोजन गरेको छ । नेपाल क्रिकेट संघ क्यानले सोमबार चौधरी ग्रुपसँग प्रायोजन सम्झौतामा हस्ताक्षर गरेको छ ।
सम्झौता पत्रमा क्यानका अध्यक्ष चतुरबहादुर चन्द र चौधरी ग्रुपका प्रबन्ध निर्देशक निर्वाण चौधरीले सम्झौता पत्रमा हस्ताक्षर गरेको छ ।
प्रायोजन स्वरुप वाईवाईले क्यानलाई हरेक वर्ष ७० लाख उपलब्ध गराउने छ । उक्त रकममा हरेक वर्ष १० प्रतिशतले वृद्धि हुनेछ । सम्झौतासंगै अब नेपाली १९ बर्षमुनिको राष्ट्रिय क्रिकेट टोलीको नाम वाईवाई यू–१९ क्रिकेट टोली हुनेछ ।
